陈庭欣认同富商关系密切　有打边炉玩啤牌：我不嬲都唔钟意放闪

陈庭欣（Toby）传一脚踏两船兼挞著现年40岁身家逾亿的彩丰行老板杨振源 （Benny），早前Benny前度刘依静（Ruby）开腔回应传媒暗指Toby就是恋情的第三者。今日（6月3日）Toby出席《宫深计2深宫计》活动时，亦罕有地作出公开回应。

对于报导指Toby拜金而搭上富豪，Toby：“其实我好清楚自己性格，我性格好倔好男仔头，有啲嘢系唔会屈服，即系唔可以用金钱去买起我某一啲谂法。其实700几万人入面有好多人都唔系住紧私人楼，甚至住紧㓥房、公屋，同人share屋企，所以我唔觉得自己系寄人篱下，我唔觉得我系自卑嘅一个。我系努力地储紧钱去买个家俾屋企人。只不过储嘅时候唔系去街市买棵菜，系要时间去安排。亦都希望系呢1，2年嘅事。”

至于Toby现时是否与彩丰行老板Benny相恋中呢？Toby接受《香港01》访问时说：“我宜家系同Benny一齐去到一个几了解对方同几能够相处嘅阶段。我都系咁讲啦，感情事我不嬲都唔钟意放闪，所以过咗今晚之后，我都系想keep返同自己屋企人（交代）。”访问中，Toby亦表示自己与Benny是在2年的一个朋友聚会认识，但直至几个月前才开始与Benny联络，当中交流亦有通电话，传讯息等。“打边炉玩啤牌𠮶啲都有，不过系最近呢几个月嘅事。（最近3，4个月？）无谓数得咁清楚啦。总之系过去果段2年嘅感情已经讲清楚。”

Toby续说：“今次系入行以来第一次公开讲自己讲自己感情事，一直以来我都觉得感情事系要留俾自己同对方，屋企人同埋屋企三只鹦鹉，但系我又觉得自己做艺人就预咗要公开自己嘅感情事，所以今次有几样嘢，写得令我觉得超过自己道德底线。其中一样嘢就系我感情未完嘅时候，就开始另一段感情，呢个系错嘅。过往嘅感情都有差唔多2年时间，当中相处有开心亦都有唔开心。我都明白报导系需要吸引大家眼球，但系再食死猫我觉得就唔可以啰，因为食得多死猫会唔健康。”