【3日2夜】邓以婷鸟取浸温泉　全靠做gym搣甩10磅

相信大家都对去年剧集《夸世代》入面，森美被邓以婷（Irina）设局拍下裸照𠮶一幕有深刻嘅印象，在剧中大show好身材嘅Irina就迅速即成为宅男女神。而最新一集《3日2夜》就有Irina亮相，带大家去到日本温泉之乡鸟取县。节目内，Irina除咗试玩难度超高嘅立划艇，亦到访了鱼市场品尝新鲜嘅红楚蟹。食饱之后，仲大晒丰满上围浸温泉，令观众大饱眼福！

Irina接受《香港01》访问时，透露自己一向都有玩开滑浪同潜水，但今次就第一次玩立划艇，笑言一心以为可以好型咁划艇，冇谂过会跌落水。至于问到平时点样keep住好身材，Irina就直言以前身型比较肥，更试过好多不嘅减肥方法，谓：“试过戒淀粉质，6点后唔食饭只系食菜，但发现最好就系做运动。由前年开始跟健身教练做gym，一个星期都会做两次gym，平时会跑步同行山，都减咗10磅，加上而家好少饮冻饮，就开始慢慢瘦落嚟。”