【美女厨房】伍乐怡对自己厨艺有信心：煮三𩠌一汤绝无问题

伍乐怡 (Kelly) 今日出席商场活动除了玩游戏，仲行catwalk同表演唱歌，献唱林忆莲的国语歌《至少还有你》，台上的Kelly唱歌时表现得有些紧张。今次是Kelly第一次公开唱歌，她说：“有少少紧张，但系自己都几享受喺台上唱歌。（练咗几耐？）练咗一日左右，因为本身都好熟呢首歌，我都系冲凉同搭公司车𠮶啲时间练。我好钟意唱歌，希望可以有多啲唱歌嘅job啦。”

最近加入《美女厨房2》成为美女学徒的Kelly原来对自己的厨艺相当有信心，她说：“可能我煮嘢食嘅过程唔系好精致，但系出嚟个结果系好食嘅。最拿手煮中菜，例如鱼香茄子、蕃茄炒蛋，煮三𩠌一汤绝对无问题，我以前喺加拿大读书成日都自己煮嘢食，西餐我都识煮。”不过Kelly就话自己无煮过给男朋友食：“我无男朋友，有煮畀妈咪食，早前煮咗个焗开心果牛油果三文鱼，虽然个卖相唔系好靓，但系好好味㗎。”