赵硕之唔抗拒双性恋？“唔使储勇气先同屋企人讲”

赵硕之（Wylie）今晚（5月31日）为品牌颁奖典礼活动担任颁奖嘉宾。Wylie讲到想转行做生意：“其实有打算做生意，但唔想求其做，都有考虑过做护肤或者时装，都想跟番自己定位嚟行呢个商业路线。”不过大家都知道Wylie佢好热爱做运动，所以佢都有计划过用自己做生招牌开一间Gym Room。

Wylie还透露已开始进军内地庞大市场，电影工作之外更有一啲大型计划，不过未能透露住。其实Wylie在工作之外会唔会需要一段感情嚟平衡一呢？Wylie虽然唔愿意透露自己单身咗几多年，但喺访问当中自爆其实男或者女自己都冇问题。因为问到有冇男性追求者合眼缘时候，Wylie回答：“有嘅，女仔都有，（女仔自己都接受？）睇下适唔适合啦。”

言下之意其实Wylie都接受“双性恋”？虽然Wylie听到“双性恋”呢一个字眼就有点儿抗拒，但系佢觉得：“我唔会咁样定位啰，最近有套电影就系讲有一个男仔系基，佢要鼓起勇气忍好多年之后，然后宣布我系基㗎，咁其实唔洗储勇气同家人讲我系‘双性恋’，其实我自己系呢方面都几开通。”仲话屋企人呢方面冇乜问题添。