倪晨曦评男友几近满分 唔通女神随时封盘嫁人？
撰文： 赖家杰
出版：更新：
人气女神倪晨曦（Elva）出席品牌活动，做得艺人尤其是公认女神嘅Elva，通常都会打扮到靓一靓先会出街，夏日炎炎穿著背心短裤就出门口，骚长腿都好正常，但系如果同男朋友出街，咁嘅打扮应该惹嚟唔少人行注目礼，男朋友又会唔会妒忌？Elva笑住话：“咁又唔会，我唔系著得好夸张好暴露嘅衫，佢唔会有唔准我著短裤个啲反应。”
Elva其实都有唔少女粉丝，佢地最钟意就系睇扮靓心得，Elva讲到有女粉丝其实都准备好多心思礼物送畀佢，笑言真系男朋友都冇咁有心。咁问到Elva男朋友对佢嘅好十分满分有几分，Elva都唔洗思考就回答有九分：“仲有一分佢系有进步嘅空间，（系咪如果有埋𠮶一分就结婚？）睇定少少啦，唔讲啦。”