【阿娇结婚】梁浸浸孖阿娇撒花瓣劲兴奋 网民：似自己结婚多啲
撰文： 冼燕珊
出版：更新：
钟欣潼（阿娇）日前在美国举行婚礼，除了有“龙虎蛇”容祖儿、蔡卓妍（阿Sa）同郑希怡（Yumiko）专程飞去美国做姊妹陪嫁之外，仲有契女梁浸浸做花女。
婚礼完结之后，梁浸浸IG 上载条新片，片中著住白色花女长裙的梁浸浸同契妈阿娇一齐坐喺舞台楼梯上，两人一齐好开心咁向天撒花瓣，一向Natural high 的梁浸浸比行完礼的阿娇更兴奋，抛完仲不停手舞足蹈，阿娇见到都忍唔住笑。网友留言“似浸浸结婚多啲”、“梁浸浸仲high过契妈”，亦有人留言大赞“浸浸好得意”、“越大越似妈咪”。
其实梁浸浸喺参加契妈婚礼之前，妈咪 Yumiko 同爸爸梁学储已经带住佢在美国玩咗一轮，婚礼完结之后，都继续留喺美国继续玩，过一个尽兴的early summer 呢！