【肥肚唔肥人】模妈生B前齐开派对　Jessica C孖Ana R.斗巨肚

2018年大批星B排住队出世，名模界就更加夸张，Jessica C.呢日举行Baby Shower，邀请埋同样大紧肚嘅Ana R. 同Rosemary出席，三个靓妈都系肥肚唔肥人，企埋一齐挺住巨肚合照，场面相当温馨。

已经怀孕9个月嘅JC其实已经随时生得，不过佢依旧无时停，影完靓靓孕照后，呢日同老公安志杰带埋囡囡Tessa，为腹中囝囝举行Baby Shower。场地布置用上大量粉蓝色，大大个BOY字汽球话俾大家知，肚入面系囝囝嚟架﹗呢日嘅派对仲要唔止得Jessica一个大肚婆，佢嘅好姐妹Ana R.以及Rosemary一样大住肚到场，可以同姐妹同年做妈妈，难怪佢地都玩得特别开心兴奋啦。Jessica以及Ana R.两位准第二任妈咪不约而同话暂时未为第二胎计划用什么名字，好大机会生左之后先决定。