【哈里王子大婚】读唇专家解读悄悄话　威廉王子：我条裤好紧！

哈里王子(Prince Harry)与梅根马克尔(Meghan Markle)于上周六(5月19日)完婚，虽然婚礼已经圆满落幕，但大婚当日的周边新闻仍充满话题性，亦有大批网民将婚礼当日弄成Meme图疯传。在整个直播期间，有好多时都唔知皇室人员讲紧咩，所以英国《电讯报》同《镜报》就揾到读唇专家去研究各人之间搞笑的对话。

当新郎哈里王子同身为伴郎嘅哥哥威廉王子到达教堂外，一齐步入步教堂期间，见两人有讲有笑，仲笑到见牙唔见眼，令大家好想知道究竟两兄弟讨论紧啲咩呢？读唇专家就表示，原来威廉王子同哈里王子讲：“我条裤太紧！”唔知道系咪威廉王子发咗福呢？

之后入到教堂等候新娘梅根嘅时候，威廉王子对住哈里王子阴阴嘴笑，然后话：“到你上场啦，细佬，我哋系咪要企起身？”已婚嘅威廉王子好似对婚礼嘅程序一头无绪咁，都好似两兄弟去毕业舞会不知所措咁。而哈里王子就笑住回应：“终于嚟喇，等到头发都白晒。”

但当日嘅金句系来自可爱嘅“事头婆”英女皇，话说英女皇同老公菲腊亲王乘车到达婚礼嘅时候不断同民众及传媒挥手，但唔知道系咪菲腊亲王年事已高，挥手挥到攰而停晒手，英女皇喺呢个时候就话：“继续挥手，唔好停！”其实挥手挥得耐都几攰嘅……