陈嘉桓减肥成功 将会派福利畀大家
撰文： 吴子生
出版：更新：
《反黑》第2辑即将开拍，陈嘉桓透露最近忙于做运动，自己都想Keep番 fit啲，因为来近《反黑》开第2季啦，我同导演讲呢季我唔会畀自己再肥，因为第一季肥咗之后，好多人唔认得我，咁所以我觉得都系一件好事，唔错嘅戏路啦，唔错角色，所以第2季我已经好积极操fit啲，虽然呢排瘦咗好多，但我好希望嚟紧操番啲线条出嚟，可以靓啲。
嘉桓被问到拍《反黑》当时在戏中有又几重？嘉桓表示︰“最肥去到62kg，咁依加落返去58kg，个差距已经有成十磅咁多，自己同时控制个胃口，又积极做运动，之前部戏要谷肥自己，食三盒饭，又不停食消夜去谷肥自己，𠮶阵时肥肿难分，有啲人做完运动，会好想食野，而我依家可以控制得到，可以唔食野。”夏天又到喇，身型咁fit嘅嘉桓，又会唔会大解放派福利畀大家呢？嘉桓笑言︰“应该可以嘅今年.......哈哈！其实啱啱拍咗TVB《大玩特玩》节目，自己有份参与成十集咁多，佢地成班主持同事嘉宾见证住我，每一集都好似瘦番啲，佢地都话睇下嚟紧暑假会唔会再有啲游戏节目再揾我啦，如果有........我会再因应自己身段，睇下影返辑靓相，哈哈.........。”暂时感情生活一片空白，嘉桓透露自己喜欢运动型嘅男仔，因为觉得做运动嘅人系会开心啲，所以都系揾个开心啲嘅人做男朋友。