【哈里王子大婚】新娘花球细节显心思　一支香桃木跟足王室传统

呢个周末令全球聚焦嘅盛事，莫过于英国哈里王子与美国影星梅根（Meghan Markle）于温莎堡圣乔治礼拜堂（St George's Chapel）举行嘅世纪婚礼。婚礼每个细节包括婚纱、头纱、花车、婚戒一一被外界审视，而梅根手上嘅花球，除咗用上同宋慧乔一样嘅铃兰以外，原来仲大有来头。

著名花艺师Philippa Craddock设计花球

婚礼上新娘除咗挠住老公，一对手最常掂住嘅就系花球，哈里王子同梅根嘅婚礼虽然有唔少癫覆皇室传统嘅事物，不过喺花球呢一项上就跟足传统。梅根嘅花球简约而有层次感，由伦敦著名花艺师Philippa Craddock设计，以浅色真丝丝带绑成，用上宋慧乔花球都有用嘅铃兰花、豌豆花、茉莉花等，仲有戴安娜王妃生前最爱嘅Forget me nots，除咗用作悼念戴妃，仲有一种花材系皇室婚礼必备。

喺英国皇室官方Twitter中讲到，原来好多皇室新娘都选择喺花球中，加入一枝代表爱情嘅香桃木（Myrtle），呢个传统可以追溯至维多利亚女王，佢以一枝 香桃木为自己嘅花球作点缀，并于婚礼后将阿尔伯特亲王祖母，送给俾佢嘅桃金娘灌木枝，种喺怀特岛上奥斯本宫宅邸花园，至今已经170年历史。从英女皇、戴安娜王妃到剑桥公爵夫人凯特，佢地嘅花球都跟足传统加入一枝香桃木，梅根亦唔例外。