【飞虎之潜行极战】片尾曲“虽然”太洗脑 吴卓羲：证明大家有睇
撰文： 吴子生
出版：更新：
《飞虎之潜行极战》剧中吴卓羲和黄宗泽饰演两兄弟，片尾曲由两位好兄弟合唱《虽然这个世界》，不过网民听完就觉太多“虽然”，卓羲就有另外一个看法：“首先如果冇睇过部剧，你都去唔到片尾，听唔到片尾曲啦，咁即系代表左你系睇哂先会听到片尾曲，洗唔洗脑，系啲观众支持先会听到啫。”
《飞虎之潜行极战》内地点击已经去到27亿！卓羲表示嚟近拍摄第二集有望喇，如果俾佢再唱主题曲，佢又会唔会再唱呢？卓羲坦言：“下一部戏要我唱，我一定唱，有份演出，有份唱，系会有共鸣嘅，高层之前有提议过，我地五个人（三哥，吴代融，张兆辉，黄宗泽）唱一啲励志歌，咁一定唔系呢首歌虽然⋯虽然啦，如果五个人唱虽然，三哥一句虽然，代融哥一句虽然，张兆辉一句虽然，到我地两个又虽然⋯⋯⋯咁我地就大件事啦！”虽然两字，已经为观众及网民带来共呜！