【逆缘】江欣燕隔2年再登萤幕　眼湿湿称冇放弃过：拍剧好快乐

《逆缘》中除了夏文汐、林夏薇、于淼等甚得网民欢心的女演员之外，其实还有一位很少出现在电视萤幕上而大家又很熟悉的人，那位就是江欣燕（欣欣）。上一套欣欣有份出演的电视剧，已经是2年前（2016年）的《为食神探》，而为甚么欣欣今次会“出山”拍剧呢？她说：“其实都系角色同时间啱，旧年好早amy姐（《逆缘》监制）就揾我嘅。”

江欣燕2013年与结婚12年的丈夫离婚，2年前父亲过世。谈到这次拍剧的决定，她说：“个天成日都想我休息，都系有人揾我我先拍，因为个天系我经理人，所以都系随缘啰，哈哈。（呢2年一直都好少工作拍剧？）其实我一路都有做嘢，时不时都会有内地商演活动，都够使够食嘅。”看似欣欣近年工作量大减，实质她很享受现在生活。“我不嬲都视工作为玩，咁系咪做人开心啲呢？”当然，欣欣“玩”时仍然是非常专业的。

江欣燕续说：“因为我本身对TVB有情意结，因为我细个系睇呢个台大，我觉得TVB系香港人嘅电视台。我每次返公司都同自己讲，呢度系我嘅魔法学校，我好多嘢都喺呢度练成。我差唔多由17岁第四届训练班就开始我的事业。我得唔得，好多嘢都由我入行开始发生，我从来都冇放弃过拍剧做演员。”讲到呢度，欣欣仲有啲眼湿湿添。“人生真系好得意，有一日突然之间内心有个声音，会觉得好想做返自己，再‘落返田’拍嘢，原来系一件好快乐嘅事。”