【飞虎之潜行极战】黄宗泽吴卓羲救乐坛　新歌洗脑过《最后祝福》

黄宗泽唱歌好听就唔使多讲，佢首《最后祝福》直头唱到街之巷闻，连歌神陈奕迅都要同泽囝合唱《K歌之王》。相隔5年，泽囝再推出新歌拯救乐坛，今次仲同旧拍档吴卓羲以raw爆嘅唱腔合唱《飞虎之潜行极战》嘅片尾曲《虽然这个世界》，好多网民听完都话极度洗脑，仲搞笑话终于都唔使再loop《最后祝福》！

至于点解会咁洗脑，原因系副歌部分不停重复“虽然…”，加上喺剧集嘅播放期间都会播出呢首歌，连唔识啲歌词都会识哼呢首歌，洗脑程度拍得住《越难越爱》。就连无线嘅“See See TVB”Facebook专页将第一集“高Sir”吴岱融就职典礼嘅片段重新配音，片段入面连吴岱融都唱埋一份，呢段片立即被网民疯传。虽然…首歌真系好洗脑，但亦都有看透世事嘅网民就留言叫泽囝同卓羲都系专心做戏好啲。