黄建东首踏伊馆演唱差啲上唔到台：吓到全身标冷汗

喜欢唱歌嘅朋友，总希望有一日能够踏上大型舞台演出，未有属于自己嘅SHOW之前，可以做住嘉宾，享受一两首歌嘅时间。黄建东（Derek）最近为区瑞强《粤唱越经典演唱会2018》担任表演嘉宾，初次踏上伊馆台板非常兴奋，但出场前却发生惊险事。

“因为第一次上伊馆唱歌，自己唔系歌手要做足准备，所以特别揾地方开声。工作人员带我到后楼梯任我嗌，点知开完声之后发觉度门锁咗。𠮶阵差唔多要上台，我喺里面大叫大嗌都无人发现，又完全冇人经过，台上又有歌手唱紧歌好大声。好彩𠮶度接收到电话，工作人员都要揾一轮先揾到我，出返嚟嘅时候吓到全身标冷汗。”Derek话好彩𠮶阵系彩排，如果正式演出都唔知点算。不过很多网友留言话就算他被困成件事都会变得好搞笑，令Derek哭笑不得。

今次是 Derek第一次唱伊馆，与一众主持大唱经典串烧广东歌：“好多谢 Albert俾呢个机会我哋，做歌手唱演唱会好high好正，同平时做演员或者主持好唔同。”适逢演唱会撞正母亲节，Derek未有时间同妈咪庆祝，黄妈妈不但不介意，反而入场看了两次支持仔仔，Derek大表感动：“爹哋妈咪真系好支持我嘅演艺事业，知道可以喺演唱会唱歌好难得，除咗入场帮我影相拍片，仲充当我嘅粉丝大叫我嘅名，令我喺台上充满力量。妈咪星期六睇完一场，星期日母亲节正日唔介意再入场支持我，令我又兴奋又感动。所以嚟紧要给妈妈买份礼物，希望俾个小惊喜补祝母亲节。”Derek今年年头曾话过要摆多啲时间喺音乐方面，结果真的多了很多唱歌机会，非常感恩。