袁伟豪丁父忧含泪留言：你是我心目中最坚强的爸爸

日前刚度过37岁生日嘅袁伟豪，上星期出席活动时显得忧心忡忡，原来佢为爸爸患癌一事疲于奔命，希望陪住爸爸走过人生最后一段路。呢日佢喺IG上载多张同爸爸嘅照片，宣布袁爸爸终不敌癌魔于5月16日离世，袁伟豪留言道：“树欲静而风不止，子欲养而亲不在，爸爸永远怀念您”。

人称泰哥嘅袁爸爸于7年前确诊鼻咽癌，近年更扩散至肝部，从几张旧照中睇到袁爸爸近年受癌症折磨消瘦不少，喺袁伟豪心目中系“一位为人民服务的好警察，心目中最坚强的爸爸”。近两年袁伟豪事业起飞JOB接JOB，有传去年因为工作见唔到嫲嫲最后一面，令佢相当遗憾，故一有时间就会同女友张宝儿，陪伴爸爸左右。

袁伟豪于IG写上：“树欲静而风不止，子欲养而亲不在，爸爸永远怀念您。一位为人民服务的好警察，你是我心目中最坚强的爸爸，辛苦你了﹗不再痛苦，好好休息，放心，妈妈交给我吧。”一字一句尽显悲痛之情。佢嘅圈中好友胡定欣、岑丽香等都有留言悼念，并叫袁伟豪要振作。