【C9特工】高海宁担任新剧女一 拍住民间视帝做特工
撰文： 梁子健
出版：更新：
TVB“咪神”多的是，但能够上位做女一的就寥寥无几，除咗高Ling高海宁，事关佢将会担任新剧《C9特工》嘅女主角，更被“奥运六星”中嘅其中两粒星拱照，亦即系由马国明及黎诺懿榜住佢上位。
+19
其实高Ling升lv做女一已不是第一次，事关早喺《C9特工》之前，据知高Ling已经伙拍杨明、黄德斌等，担正《婚姻合伙人》一剧嘅主角之位。可惜，《婚姻合伙人》由2017年上旬拍完后就成为仓底货，至今仍系播出无期。
上一部担正嘅剧都未播出，观众反应系好系坏都未知，但高Ling话咁快又可以做女主角，今次仲有民选视帝马国明，以及观众缘极好嘅黎诺懿“撑场”，被力捧程度可想而知。究其原因，网民都认为系多得壳王陈国强及王晶带挈，更有网民替马国明唔抵：“睇个剧名就知胶胶地，马明又被逼拍胶剧喇，TVB真系相当‘厚待’佢。”
其实大家又唔使谂到咁灰兼“未审先判”嘅，话唔定高Ling表现可以令观众眼前一亮，而马国明又可以延续《降魔的》嘅人气继续受欢迎呢，再唔系抱住马季（《降魔的》马国明饰演的捉妖角色）同SAW（电影《恐惧斗室》）呢一点去睇套剧，都不失为一个相当吸引嘅卖点。总之，大家放长双眼拭目以待就肯定无错啦。