谢安琪喺老板麦浚龙面前Hard Sell自己好演得：可塑性好高

谢安琪（Kay）早前同幻国文化娱乐签约五年，成为麦浚龙（Juno）旗下嘅艺人。今日，Kay同Juno就拍住上出席品牌活动，两人仲明显夹过齐齐著黑色。Juno受访时就话自己真系好钟意著黑色衫，因为够哂好衬。讲到今次佢哋系首次“老板员工”档出活动，问酬劳系咪平分时，Kay就话要争下先：“好似啲歌咁，都要争，争唔掂就合唱。”提到Kay喺年尾出新碟，问两人会唔会合唱，Juno答：“合唱就之后嘅事，依家忙紧为电影《风林火山》做后期，但因为个维也纳剪接师入咗医院，套戏最快要2019年先上到。”

咁之后会唔会揾Kay拍戏？当听到Juno赞自己系好演员后，Kay就劲Hard Sell自己：“我可塑性好高，依家每日都有唔同体验，享受人生，会勇于尝试，又会发掘趣事，唔会因为随年纪而觉得生活好乏味，可以做喜剧，因为依家生活都几喜剧。”至于讲到有传Juno会同薛凯琪签约，Juno就话呢个只系传闻嚟。