【后生仔倾吓偈】冯盈盈黄色说话又嚟料　今次麦明诗都顶佢唔顺

《后生仔倾吓偈》近日真系话题多多，而且都系围绕住“水”呢个话题，主角人物依然是冯盈盈。事缘在上星期，盈盈又在节目中讲黄味说话，她说：“第一次同初恋男朋友，𠮶阵仲未系男朋友嘅，然后出去睇戏，𠮶年19岁，好紧张。𠮶晚我哋系一齐咗，然后就拖手喇，之后我成晚都好紧张，表面好似好平静，但其实紧张到只手啲汗已经滴紧落地下。点知要拖手㖞，真系想死，𠮶阵已经系抹干晒都继续湿嘅程度，搞唔掂。湿晒，个地下都湿埋，点知佢拖完就话好湿，我话系呀，我掂到男仔手就会紧张。但系𠮶刻佢好浪漫，话唔紧要无问题我钟意。”虽然佢明明系讲其他嘢，不过真系好容易令人想入非非。

【后生仔倾吓偈】冯盈盈黄色底子改不了 麦明诗都忍唔住抽佢水

在昨日第102集，佢又嚟料，话说有位KOL话自己敏感到滴汗，佢就跟住讲：“我都有个位成日敏感到会滴水，我讲真㗎！”佢讲完呢句即刻全场爆笑，相信大家都会明白笑紧乜，陆浩见情况不妙，立即叫佢澄清吓，麦明诗又忍唔住抽佢水：“佢对住心仪男仔嘅时候就会有呢个情况出现。”咁冯盈盈究竟会点解释呢？她说：“我大脾内侧有个湿疹位，佢如果好敏感会渗水，连牛仔裤都会湿水㗎。”坐佢隔离嘅麦明诗已经抱晒头，露出个无奈样，冯盈盈，你系得嘅！