古巨基为演唱会预习超级无敌画歌仔 你又估唔估到佢画边4首歌？
撰文： 梁子健
出版：更新：
相信大家一定睇过《超级无敌掌门人》，而对当中的游戏环节“超级无敌估歌仔”唔会陌生。古巨基为宣传嚟紧5月10日举行的演唱会，亦在个人IG同大家玩玩“估歌仔”，不过玩法有啲新意，唔再系揾外籍人士唱歌俾你估，而系古Sir亲自展现画功，画出同佢歌曲有关的图案俾大家估佢画紧咩歌，所以古Sir美其名为“超级无敌画歌仔”。
讲多无谓，大家一齐参与最实际，下面将有四幅古Sir画的图，大家分别估下每张图代表佢边一首歌啦。
第一幅，有位貌似爱因斯坦的留须精灵老人，以及一位表情古怪、伸脷兼流口水嘅男仔。呢题只系Playgroup级，无“奶油”估唔到系咩歌。
第二幅，一座建筑物群底部生出四只脚，貌似在行走，但又唔似喺陆上行，反似喺海上走，唔通栋嘢识“轻功水上飘”？其实答案呼之欲出，仲系估唔到就俾多个贴士你，睇开日本动漫都会知，呢座建筑物群系“学校”。
第三幅，好简单，一个时钟，无咩特别，最多咪就系啲时针、分针好似喺度快速转动紧啰。不过再睇得仔细啲，原来钟上嘅数字左右调转咗架，有咩暗示呢？
第四幅，一个下身打格的大只裸男，睇佢发型同轮廓，似系外国人，应该名叫David。身边就有个戴住鸭舌帽拎住旗仔的人。咩地方会有呢种裸男睇，又咩情况先会有人揈住旗仔去睇裸男呢？
香港艺人与历史人物撞样 古巨基孙文似饼印 周柏豪周恩来系倒模
【香港乐坛史上怪物级新人】古巨基系第一人 泳儿之后谁人接棒？