胡定欣沙漠拍喊戏　风沙大到眼都擘唔开做唔做到？

胡定欣前排去咗横店拍电视剧《包青天之再起风云》，近日剧组又飞去新彊拍摄，定欣利用休息时间，勤力update IG 动态，分享拍摄点滴！

定欣 Po 嘅其中一张系佢头戴黑纱，因为当地风沙实在太大，所以要戴头纱挡风，连定欣都讲笑咁话“今次真系变沙翁”。定欣唔只要“食沙”，仲要喺沙漠上拍一场同公孙策滚地沙嘅戏，真系想像唔到冲凉𠮶时，成头成身沙究竟点洗！

虽然听落好似好辛苦，但定欣就话其实佢好开心，因为今次系佢人生第一次到沙漠，佢话：“觉得好靓，但拍咗无耐，就开始收太阳起风沙，我都豁出去，碌沙、瞓地、感受一下呢个环境。”定欣仲话要喺沙尘滚滚嘅环境下拍感情遵，仲要喊，佢初时都好怀疑自己做唔做到，因为真系大风到连眼都擘唔开，不过最后定欣都喊得出，不愧系两届视后！