【飞虎之潜行极战】吴岱融展现慈父一面　为家庭儿子选择黑警之路

吴岱融于《飞虎之潜行极战》中饰演高逸泰一角，外在是高级警司，内在却是名黑警。换言之吴岱融又做反派，难怪有网民称他为“御用奸角”。对此，吴岱融认为“御用奸角”的称号不是件坏事：“其实同时期我都喺国内、新加坡演好多好人架，嚟紧嘅拍摄我都会做个好人角色。不过正如大家所讲，我都真系演咗好多反派角色，而且我演反派嘅气场系会大好多，加上个剧情喺反派身上著墨较多，篇幅亦会比较吸引到观众眼球。”

此时，监制李惠民为高逸泰抱不平，认为不能简单就说他是个奸角：“呢个角色又系好人又系坏人，系个好仁慈嘅慈父，同时又系黑警，几廿样嘢捞埋一个角色身上，所以唔好当佢反派。而且好难演架，你一面倒剩系做坏人仲好。”

吴岱融补充：“事实上我喺剧里面真系锡个仔、锡屋企，并唔系连仔女都杀𠮶啲穷凶极恶，所以监制讲得啱，你可以当反派咁睇，但某程度我个角色都系惊个仔死，先至会选择配合危险人物、恐怖份子，然后用咗啲未必系啱嘅手段。”

既是奸角，同时又是慈父，吴岱融便应《香港01》要求即席演演慈父的一面：“仔，著多件衫啦，冻呀！仲有呀，你阿妈煮咗啲粥俾你食，记得食呀，你妈咪煮得咁辛苦，知唔知呀？乖啦。”当大家定神欣赏他和蔼一面之时，怎知他最后还是严厉起来：“你食唔食呀？唔食兜巴搲你吖喇！Just joking，哈哈。”

【飞虎之潜行极战】王敏奕无惧动作戏受伤：拍打戏无伤就唔有型啦

【飞虎之潜行极战】何佩瑜拍剧初体验　望再接再厉与吴卓羲续前缘

【飞虎之潜行极战】雪儿再拍《寻秦记》：睇下古天乐会唔会揾我啦

【飞虎之潜行极战】吴卓羲仲有边种警察未演过？　佢亲自解答...