【流行经典50年】森美唱《听海》劲好听 单飞出过歌你又记得吗？
撰文： 洪晓璇
出版：更新：
森美系电台主持出身，之后再到电影圈、电视圈，主持拍剧样样皆精，声靓就无容置疑啦，但佢嘅歌喉大家又听过未？呢日森美去到《流行经典50年》，今次唔系做主持而系嘉宾，献唱张惠妹嘅经典金曲《听海》，网友惊叹原来森美原来咁唱得，歌影视都俾你玩晒啦森美大哥﹗
《流行经典50年》有个环节“我不是歌手”，故名思义揾来一啲非歌手艺人踏上舞台一展歌喉，之前请过黑仔姜皓文，仲有康华献唱，好歌喉都令观众相当惊喜。新一集有经常亮相TVB嘅森美。做得DJ声就一定靓架啦，但原来佢仲好唱得，呢次拣选张惠妹嘅经典金曲《听海》，虽然唔系好习惯佢一本正经嘅样，但真系听出耳油。
唔少网友留言话：“把声好正仲好有感情”、“有专业水准”，森美嘅投入表情亦非常吸晴：“个肉紧样好似樊少皇﹗”望落又真系有点似噃。睇开电视嘅朋友可能对森美嘅歌喉感到惊喜，不过有留意开嘅朋友就知，其实森美小仪歌剧团中佢都要KEEP住唱歌唱足十年，仲曾经喺2007年同细苏、LEO、陈强组成“森美移动”出过歌。2013年仲出过一只福音歌《在这世界看不够》，广东话献唱更有感情呀﹗