宣萱与古天乐合作无间 期待拍摄《寻秦记》
撰文： 朱奕锦
出版：更新：
宣萱和古天乐今日孖住出席一个珠宝活动，宣萱以一袭香槟色吊带长裙现身，佩戴名贵首饰的她显得高贵又优雅。自从签约古仔公司之后，两人多了好多机会合作，而宣萱都好放心将工作交给公司安排：“咁而家佢系公司嘅老板，合作上我都冇乜点理嘅，其实通常佢帮我安排做乜嘢我都会欣然接受去做，因为佢哋好pro嘅，即系会识得去安排，工作上帮我安排得好好，咁变咗我唔需要话好担心叫我出席任何嘢啰。”宣萱和古仔friend足二十几年，当然合作无间喇。
以往宣萱和古仔合作的经典剧集就令人回味无穷，大家都好想再见到两位一起拍戏，而多数出演电视剧的宣萱，现在亦开始进攻大荧幕，和古仔一起拍电影，今年就会有两套呀：“我哋第一套系《犯罪现场》啦，咁𠮶套佢哋就嚟开拍嘅，我同佢𠮶段戏就会8月先至拍，咁另外就《寻秦记》啦，呢个就会大制作喇，咁应该就10月、11月咁上下开工。”不知道两位又会擦出什么样的火花呢？
自从古仔宣布开拍电影版《寻秦记》以后，大家都一直密密关注相关消息，除了一班fans相当期待之外，就连宣萱都不例外：“其实我套套戏都会期待嘅，但《寻秦记》会特别多啲，因为始终系一套经典电视剧嚟嘅。”宣萱透露自己会继续饰演以前的角色，但未有剧本，所以暂时都不知道是什么故事，不过宣萱对老友就信心十足：“我相信过得佢𠮶关，佢决定开拍，一定系OK嘅。”
现在古仔不止是宣萱的老友，更是她的老板，不过宣萱就坦言身份的转变，对两人并没有什么影响，就算多年没有合作，但同对方拍戏都不会有压力，依然默契十足添。至于人工方面，宣萱就表示自己并不在乎：“咁冇计嘅，我唔会太focus喺人工𠮶方面，即系做完嘢咁佢哋帮我倾嘅嘢，我都好放心佢哋做。”看来宣萱对古仔是百分百信任，所有事情就放手交给公司处理，两人的交情认真唔话得呀！