【后生仔倾吓偈】江嘉敏初恋男友偷食好姐妹：男友叫佢上屋企参观

新一集《后生仔倾吓偈》以“人生第一次”为主题，唔使问，当然包括初恋啦，近年被封为宅男女神嘅江嘉敏（Kaman）就话自己初恋喺18岁发生，对方同系model。“𠮶时系朋友话佢好似钟意我，叫我试吓，于是就一齐咗。”吓！会唔会太过儿戏？“头三个月都试吓钟意，因为第一次拍拖，开始咗无理由放弃。”到底系坚持定系傻？

江嘉敏话自己同初恋男友拍拖一年后，发现对方疑似偷食，但最嬲的是小三是自己的好姊妹。“我见到佢在fb留问对方几岁、身材size、同埋话自己刚刚搬咗屋，问人哋上唔上去参观！”男友死口唔认之余，之后更试过拿出小三身穿tube top的照片，问江嘉敏的意见。“佢问我件衫靓唔靓，然后话系佢买，我同佢成年佢都无送过嘢比我。”江嘉敏向男友作出最后警告，著对方不要再跟小三有太多联络，没想到男友将“警告内容”全数转告小三。“个女仔之后嚟闹我，觉得我好似搞事搞非”就这样，江嘉敏的初恋正式完结了，虽然佢话自此之后对感情事有阴影，但睇佢同终闻男友曹震豪成日放闪，就知呢初恋的伤痛没有为她带来太大影响啦。