【开心速递】金城安见到曱甴惊到要谭育英保护　麻甩女朋友都好正

唔少男仔都会想要一个温柔娇嗲、小鸟依人的女朋友，打扮女性化最好着下裙同高踭鞋。昨晚无线播出的《爱‧回家之开心速递》就讲金城安 (周嘉洛饰) 同朱凌凌 (吴伟豪) 有两个同学带埋女朋友，跟他们一起打边炉，两位阿嫂的性格都嗲声嗲气，其中一个连开支樽装饮品都无力，要男朋友帮手。作为男朋友的当然好受落啦，不过安仔同朱凌凌就觉得呢种女仔好作状喇。而安仔女朋友谭育英 (林凯恩饰) 就好唔同，性格好麻甩，即系男仔头，性格豪迈爽直不拘小节，衣著打扮多数都系T恤、恤衫衬牛仔裤仲要长裤，有时啲言行甚至Man过安仔。

虽然安仔并唔介意女朋友育英咁麻甩，但其实心底里都渴望育英可以表现同打扮得女仔些，例如着下裙，所以他叫好友Venus (邝洁楹饰) 陪育英去买裙，希望改变一下女友的造型。安仔又幻想可以保护女友，展现出自己Man爆的一面，在女友前面可以似返个男人。不过事实却是，当遇到曱甴时，安仔好惊而要由连曱甴都唔惊的育英保护返转头。

作为男仔的你，又会唔会想要一个好似育英咁样的麻甩女朋友？定还是钟情娇嗲型的女友多些呢？作为女仔，又会觉得女性化的形象吸引异性多些，抑或是爽朗男仔头性格先更得男仔欢心呢？但要记住无论咩类型的女朋友，都一定钟意男朋友氹的，睇安仔送花畀育英有几冧就知道啦。