谭小环为节目豁出去闯棺材舖　发现殡仪业有网上服务好惊奇

谭小环最近就为咗奇妙电视节目《揾钱男女》，同司徒瑞祈、胡孟青等主持四出发掘揾钱之道，喺最新一集里面佢仲认真豁出去，连殡仪业、棺材舖都唔放过，认真百无禁忌。问谭小环点睇网上殡仪，佢就话唔抗拒：“好少见所以好惊喜，咁都有网上服务，所有价钱都可以清楚见到，有预算好好多！”而小环拍摄时亦有跟足传统习俗，带住碌柚叶旁身。

除咗棺材舖，小环亦到访一间内衣店，访问“试Bra达人”成功赚钱的秘诀。小环大爆自己对内衣有一定要求：“作为成熟知性嘅女性，我要拣最优质嘅！”多个款式之中，小环表示自己比较偏好平实的款式。另一边厢，司徒瑞祈体验“按摩到会服务”，体验于办公室按摩嘅感觉：“按摩系好私人嘅事，都系留翻放工做好啲！”