【3日2夜．专访】陈诗欣做TVB主播6个月：目标最想阿姐噏到我个名

《3日2夜》自从由J2台移师至无线翡翠台之后，虽然“甜度”大减失色不少，但是取而代之的是，焦点重新放在介绍风景人物上，实实在在变了一个老少咸宜的旅游节目。虽然如此，但是网民关心的，始终是节目中出现的美少女（或者壮男？）。《3日2夜》的第15，16集就有陈诗欣（Eunice）以及陈衍峰（Leonard）到访位于地中海的阿尔巴尼亚。《3日2夜》播出之后，都有不少网民提及这位陈诗欣，更有人认出她就是J2娱乐新闻的女主播。不过唔讲唔知，荧幕上的她看似斯文又温柔，但在这个斯文高贵的外表下，却是一个实实在在的“麻甩佬”。

Eunice接受《香港01》专访时说：“麻甩吖？自己成日喺屋企队啤酒算唔算麻甩？又唔系成日嘅，有时候（喺屋企）睇戏，又自己一个，好冇瘾㗎嘛。尤其系之前睇嘅韩剧，又会受到佢哋影响，食炸鸡就要饮啤酒。所以自己一个睇戏就会饮啤酒，其实好enjoy㗎㖞。”这个时候就连坐在身边的经理人也说：“佢会食男人饭㗎。”陈诗欣：“系吖。我突然记得有一个故事，同一个男性朋友出街食饭。佢就嗌红酒，我就嗌啤酒。但系个侍应一嚟到，就将罐啤酒俾男仕。跟住我个男仔朋友就话：‘女仔系唔应该饮啤酒，而系应该饮红酒㗎。’”当然，只得食“男人饭”和饮啤酒是不足以称之为“麻甩系女子”。陈诗欣本人更会讲粗口、听男人堆讲咸湿笑话又不会脸红同埋只爱穿波鞋而讨厌高跟鞋。

【3日2夜．多图】欧阳巧莹陈蕊蕊帛琉嬉水 浸牛奶湖好梳乎

【3日2夜】欧阳巧莹同翻版袁伟豪游帛琉：我老公 (林师杰) 先最正

Eunice在2017年11月加入TVB，至今都有6个月时间。但其实Eunice由18岁开始，就已经签约Jamcast成为一名模特儿，同期加入的其实还有Heidi（李静仪），原来Eunice同Heidi仲系同学添。“𠮶时学校同公司有个合作，就系赢嘅一男一女可以得到份合约。我𠮶时只系负责做MC，但系公司都睇中咗我，我就同胜利者（即是Heidi）一齐签咗公司。”说起工作，Eunice也提到原来自从做了主持之后，生活就完全改变了。由不定时的模特儿工作变成每天规律的“返厂”录节目或出外景，她说：“虽然只系入咗TVB 5个月，但系已经学咗好多嘢，又睇多咗嘢，见识多咗。”

加入TVB没多久，陈诗欣（Eunice）就被安排去《3日2夜》节目，不过她的工作亦不是一帆风顺。问起担任主播时有甚么困难时，她说：“我一开始真系唔惯，可能唔惯，所以录完旁白时要成日补。咬字啦，同埋有啲音会读错，所以读完旁白之后个同事就会话：‘唔系咁读吖。’跟著我又要返去录音室再录。其实头𠮶一个月，𠮶段路我系一日来回行20次。但系佢哋好好人，知我新都不断俾我读旁白练习。”

【3日2夜】陈婉衡靠空中瑜伽keep fit 练人鱼线最紧要有恒心

【3日2夜】张曦雯坐过山车都show到好身材 冇比坚尼其实仲好睇

谈起在TVB“生活”以及与其他TVB艺人的相处，Eunice就说：“我觉得最紧要有礼貌，因为TVB好大，除咗幕前仲有好多幕后。虽然我唔系每一位都识，但系我差唔多会由返工门口行到去主播间房，遇到咩人我都会点头微笑。我其实唔会话刻意同佢哋打好关系，同埋我个人要够真，人哋同你相处得舒服，就自然会同你倾多啲计。（有冇边个前辈主动揾你倾计，例如汪阿姐？）冇吖，我都想阿姐同我倾计，哈哈哈。系行过打招呼啰。（佢认唔认得你？）我谂唔知吖，哈哈。我要以阿姐识我为目标，我要阿姐下次噏到我个名。如果佢哋噏到我个名都几有存在价值㗎，不过噏唔到都正常嘅。”咁Eunice就真系要加油啦，因为有好多艺人喺TVB做足10年，都冇咩人噏得出个名。

发型：Chris Cheng @TST II Colop
场地：Penthouse Party @观塘