《寻秦记》开拍古仔未召唤　郭羡妮：冇信心演返当年咁纯洁嘅眼神

郭羡妮与黄芷晴今日中午出席世界杯宣传活动，其实睇足球其实宜家已经唔系男人嘅专利，女人都一样好钟意睇，系活动上面司仪就介绍今日嘉宾郭羡妮与黄芷晴系用“爱”嚟睇波，因为郭羡妮透露会陪老公一齐睇波，而子晴则系陪爸爸一齐睇波。

4年一度举办嘅世界杯就会喺今年进行呢一场盛事，Sonija活动上都讲到老公系会好热烈咁支持呢一项盛事，但接受访问时候问到对于佢自己会唔会挨夜陪老公一齐睇呢？Sonija就表示：“傻咩，唔会呀，我好唔明点解男人可以校闹钟起身睇波，我自己就唔会啦，有时候佢番到嚟香港，半夜时候见到佢仲未训，就问佢做紧咩，佢答睇紧波，佢成日都会咁，习惯咗。”

一直都忙于照顾家庭嘅Sonija都会抽空做一啲自己钟意做嘅事，例如：拍剧及出席活动都有，不过讲到长时间方面，Sonija都系抗拒，Sonija回答到：“太耐唔得啦，我觉得我要每日睇住佢嘅功课，要睇住佢温咩，如果一甩咗就唔得啦，所以赚钱方面都交哂比老公。”，至于两夫妻成日都要分隔两地，Sonija都坦言其实大家一开始拍拖时候都咁样，已经习惯。

由古天乐主演及投资的＜寻秦记＞电影版都准备开拍，想当年Sonija饰演“琴清”一角都大受欢迎，问到今次古仔有冇揾佢拍电影版，Sonija表示未收到呢个消息，都冇同古仔联络过，但讲到会唔会想再演番呢一个角色，Sonija回答：“唔知道呀，宜家嘅我同想当年嘅我已经唔同咗，成熟咗咁多，可能演唔番咁纯洁嘅眼神，同埋当年系我演第一部剧，已经变化太多，眼神里面都演唔番个种纯洁眼神，我唔知道，都唔敢想像。”，不过Sonija当年同宜家都有冇咩大嘅变化呢，佢讲笑咁讲年纪变大咗，但《寻秦记》中的郭羡妮又真系冇得输，大家可以望下楼下的图辑，重温下佢同古仔的靓样。