自导自演张家辉开新戏惨食柠檬　竟有演员拒邀唔拍《低压槽》？

演而优则导嘅张家辉即将推出自编自导自演嘅新片《低压槽》，佢接受奇妙电视节目《同Sing同戏》主持严崇天访问时，就指犯罪动作片一直都系香港电影嘅强项品牌，当中就以卧底题材最受港人喜爱，而佢自己亦都对此情有独钟。第三次做导演嘅张家辉亦话作为导演就绝对唔能够欺场，所以戏中有大量大型飞车、枪战场面。讲到电影好揼本，有劲多CG，张家辉就话自己有挣扎过系咪真系要拍呢个题材。家辉又透露完成剧本后开始邀请演员参演，但当中有人拒绝佢。主持严崇天就好奇点解有人拒绝家辉，家辉就话自己都有拒绝人嘅时候，所以以平常心对待，未有因此感到气馁。