刘浩龙搣甩34磅靠乜？ 揾张家辉健身教练Michael疯狂操肌
撰文： 关颖贤
出版：更新：
几时都话肥仔系潜力股，啱啱举行完演唱会嘅刘浩龙﹝师兄﹞喺Facebook上载咗一条短片，片中师兄将自己1月减肥前嘅相公开，笑言畀咗呢张相好多朋友睇，佢地都话做咩key自己个样落肥仔度：“真系冇呃大家，由2018年1月27日开始为演唱会进行3个月嘅减肥计划，买咗飞嘅观众好抵，可以睇到我出动晒晒屋企所有唔同颜色嘅孖烟通。”片入面真系见到师兄个肚腩变做腹肌！师兄就表示自己总共减咗34磅，如果580蚊一张飞，除34，即系1磅只系17蚊港币，并感谢大家支持肥龙去减肥。之后，佢仲抵死化身为“肥龙美容”做美容代言人，而查询电话就系自己嘅歌94340634。
+1
其实师兄之前都讲过为演唱会进行地狱式减肥，所以喺开始减肥前大食一餐先上路，而今次师兄就揾到张家辉拍摄《激战》时嘅健身教练Michael疯狂操肌。自言节制能力好高嘅师兄就话其实减肥都唔算太辛苦，只要落啲心机整都可以好好味！