陈家乐余香凝情侣装情侣相情侣post　话你知咩系睇波友最大嘅幸福

好快就到四年一度的国际体坛盛事世界杯举行的日子，一众球迷都万分期待，虽然亦有唔少女仔钟意睇波，但始终是以男球迷占大多数。所以每逢有咩足球界大赛举行的时候，唔少男士都会因为睇波而冷落了女朋友/老婆，相信他们心底里都希望另一半会肯陪自己睇波，能够share共同的兴趣就perfect喇。钟意踢波兼睇波的陈家乐就好幸福咁有一个愿意同他一起睇波的女朋友余香凝 (Jennifer) 喇。

家乐一向都鲜有于他的ig上载他与女友Jennifer的合照放闪，但这日他就罕有地于ig上载了一张两人的合照，相中的他们更是情侣装上阵，两人都穿上了阿根廷国家足球队的波衫。两人身处郊外，家乐面向镜头单手插袋，表情相当得戚，而依偎着他身旁的Jennifer就背向住镜头举起V字手势，甫士已经劲Sweet，再加埋家乐简单的一句留言：“睇波点可以自己睇呀？”真系随时闪盲人对眼㗎！

而身为家乐女友的Jennifer亦都有同男友同步放闪，同样于自己的ig上载了两人的合照，相中的背景以及两人的衣著打扮都同家乐post那张一样，分别只在于两人的甫士。呢次Jennifer就面向镜头举出V字手势，并将手踭托在家乐的膊头上，定乐则背向镜头摆出超人的手势，附上相同的一句留言，情侣装、情侣相同情侣Post，真系甜到漏呀！