【复仇者联盟3】袁伟豪事件　薯片先生独家覆：掟你上网唔系我讲

日前袁伟豪（Benjamin）应邀去睇Marvel电影《复仇者联盟3：无限之战》与薯片先生争拗的事件就成了城中娱乐的话题。文章一出之后，阿柠及林海峰加入讨论，而不少网民更一起“食完花生”观看后续发展。当然，网民就梗系好奇谁是事件主角的“薯片先生”。而“薯片先生”今日（4月27日）仲接受了《香港01》访问，话想道歉添...

p.s. 戴一戴个头盔先，案中嘅主角食紧嘅其实系“墨西哥脆片”。因为网民喜爱用“薯片先生”，所以以下文章都会沿用。

未清楚来龙去脉的话可以追一追文睇晒先。

【复仇者联盟3】袁伟豪薯片先生事件第三集 林海峰乱入战团

【复仇者联盟3】袁伟豪事件有后续 阿柠闹薯片先生：大声问候人

袁伟豪睇戏被指自以为天王巨星兼态度差 深夜于fb发长文平反

“薯片先生”接受《香港01》访问时说：“简单啲讲，件事suppose就系我哋喺social media系自己facebook发一啲自己嘅feeling。因为我哋本身唔识袁先生，而袁先生都唔识我哋嘅。简单啲讲，其实我哋真系冇谂住公审佢，因为纯粹系喺自己facebook写自己feeling。当然啦，你问我，当日我哋始终系发生咗一啲误会，我哋当时都唔应该咁样讲嘢，呢个确实系我哋唔啱。因为我哋从来都冇开过名，而事后我亦都唔知佢喺边揾到个post同cap晒图。但系都过咗嘅事，其实我都想let it go。”

薯片先生：“如果系因为我哋讲嘅嘢，而令到袁先生有hard feeling嘅，我哋都想透过你同佢say sorry，我哋系唔应该喺公开场合咁样话佢。其实因为我哋facebook唔系public开俾其他人睇，我从来都冇开过名。只系纯粹系自己𠮶日有hard feeling，所以先喺个人平台share一啲feeling，亦绝对唔系刻意去话佢。其实佢都有提到，佢讲完之后我哋都冇再食过，希望都唔会阻住大家欣赏套戏。”

“最后可以嘅话，我都想交代返，‘掟你上网’𠮶句唔系我讲㗎。有啲说话都唔系我讲，因为当时好大班人，只不过系我其中一啲friend讲嘅，有啲咩摆佢上网真系唔系我讲。只不过呢啲事真系会越讲越错。不过算啦，我唔想越描越黑，所以呢part真系算啦。（你会唔会同袁伟豪道歉？）你问我愿唔愿意道歉，我愿意为咗我当时唔应该咁样讲而道歉。系因为我哋嘅说话令到佢有hard feeling而道歉。”

隔咗2日有多，网民的意见加上各位艺人的看法真是令事件越来越越复杂，相信已令大家都对睇戏“应唔应该食墨西哥脆脆片”有更深层的疑虑。再者，原来个人平台上“不公开”的言论都会被所谓的“朋友”cap图，实在系有啲恐怖。

袁伟豪有终极回应！

【复仇者联盟3】袁伟豪终极回应：建议可自己PM自己然后比like