做日资连锁店网友呻好难挨？　谭凯琪：佢哋嘅文化好分阶级

日本人出名好注重礼貌好守规矩，近日就有网民于讨论区开post讲本港某间日资时装连锁店守则条例多多，其员工都大吐苦水话好难挨，其他网民亦纷纷表示帮日资公司打工实在太多嘢要遵守。曾经到过日本留学兼发展，更是小室哲哉徒弟的谭凯琪 (Zoie) 也认同日本人确是好多规矩。她说：“日本人做事好有条理，佢哋嘅文化好分阶级，好讲求礼貌，长辈同平辈用嘅语言都唔同，所以有好多条例要导守系唔奇嘅。”

Zoie直言作为外国人可能较难适应，甚至会觉得好奇怪，但作为日本本土的人就已经习以为常：“佢哋由细到大都系咁，自小培养。”至于她自己在当地的亲身经验，Zoie表示：“佢哋好多嘢讲，除咗基本嘅唔该多谢，仲有好多客气说话，例如入屋、出门、食饭、放工等等咩都要叫人同讲声，要讲多多指教、辛苦晒、麻烦晒之类。不过正所谓礼多人不怪，系好事嚟，喺人哋地方都要遵从人哋嘅文化。”