熊黛林亲认诞下5磅孖女 全家福劲温馨：眼仔好大好靓女
撰文： 洪晓璇
出版：更新：
熊黛林（Lynn）与老公郭可颂嘅爱情结晶品，日前已经出咗世喇。仲要系好事成双，原来Lynn一直陀紧嘅系一对孖女！新手妈妈Lynn表示第一眼见到两个囡囡时，又感动又开心：“BB女5磅左右， 眼仔好大好靓女，老公开心到不得了。”
出名锡老婆的郭可颂，喺Lynn入产房前非常紧张，见到老婆同囡囡平安时终于松一口气。 但由于初生BB太娇小，令新手郭爸爸不敢乱抱两位前世情人，最终要靠Lynn出手：“我叫老公坐定定摆住抱B姿势，然后叫我妈咪抱囡囡放在老公怀抱，老公后来抱到不舍得放手。”
郭爸爸有Lynn呢个大情人，又新添两位小情人，自然幸福满泻， Lynn更笑言，见到大只老公抱住娇小B女画面， 反差很大非常搞笑。而刚刚生完BB嘅Lynn精神相当不错：“妈咪都有飞过来香港陪我待产， 我已慢慢开始学习凑小朋友，同埋喂紧人奶，因为对BB最好架吗，最紧要佢地健康。”除咗喂人奶Lynn更安排储起脐带血，为囡囡做足万全保障。至于BB现时仍未改名，Lynn话会同老公细心为孖妹挑选最适合嘅名。