【三个女人一个因】黄智雯性感演出被删　有足本睇番：我身材OK啦

黄智雯（Mandy）今日联同最近人气急升嘅“送水辉”许家杰，以健康，性感的沙滩造型一齐出席品牌活动，更在活动中担任模特儿。早前热播剧集《三个女人一个因》，被指原本会播岀20集，但结果删减剧情得番18集，令到观众不停追问𠮶两集嘅剧情到底发生咩事？Mandy都表示知道呢件事：“其实结局完咗之后一直都有好多观众问点样可以睇番足本版，佢哋都send信去公司，到话希望可以睇足本版，直至前两日终于收到好消息，终于会放咗上架喇。”

对于足本版同删减版当中会有咩分别，相信大家都想知道，问到Mandy有咩唔同，佢就回答：“除咗有丰富娱乐性嘅戏份被删减之外，更加有部分系自己嘅性感演出，咁大家之后可以原汁原味咁睇番喇。”Mandy的性感演出终于可以重见天日，相信观众们都会大饱眼福。至于对自己身材喺咪好满意，Mandy就笑说：“谦虚少少，OK啦。”

《三个女人一个因》呢套剧对于Mandy嚟讲，演技再次被大众肯定，但唔知道佢嘅另一半又点睇呢？有冇逼男朋友睇哂全剧呢？Mandy回答：“唔好话逼，佢都有追嘅，虽然佢本身就比较忙，少睇香港剧集，但今次呢套佢由头睇到尾，都系值得一赞嘅，开心事嚟。”