【蜗居宅急变】Queenie有感而发开live为自己平反：得1日时间拍摄

无线节目《蜗居宅急变》已经播完，不过观众同网民对于该节目主持，即所谓的家居创意达人陈莉敏 (Queenie) 的品味同设计就唔多欣赏，对于她一连5集入面悉心打造出来的家居，都有好多负评。而Queenie日前就于facebook开live为自己平反，解释返其实拍摄时间根本就唔足够。Queenie表示：“有啲人批评我个节目同新加坡嘅屋企make over节目争得远啦，其实唔需要比较，新加坡以及其他地方嘅呢类节目，同我哋好唔同，人哋嘅budget系涉及几十万甚至一百万，每个单位有几个月至半年时间去拍，而我哋只系得1日，最多系1日半时间去拍摄。”

相关文章

【蜗居宅急变】到底系DIY定制造垃圾？　300呎蜗居挂鹿头上去做乜

【蜗居宅急变．有片】Queenie屋企过百枝蜡烛　骷髅骨模型摆客厅

不过Queenie依然对于自己为呢个节目所做的感到好自豪：“所有嘢都系我自己落手落脚去做，包括倒垃圾，执嘢，我系全心全意去做。每个单位只得1日时间可以做到咁嘅效果，我觉得已经好amazing。”她强调不是要人学她去整一间样板屋，要跟住她去布置，而是想让人掌握一些家居设计的概念。她亦没有因为大家的负评而唔开心，纯粹有感而发，更用普通话叫大家“不要鸡蛋里挑骨头。”