小S网晒新节目神秘男拍档　网民惊呼“康熙再合体！”

台湾女星小S徐熙娣与拍档蔡康永一起主持《康熙来了》12年，自2016年节目画下句号，大家都好唔舍得，希望小S同蔡康永再次合体。小S之后独自担大旗主持内地节目《姐姐好饿》，近日传出小S又有新节目了。

小S今日(4月18日)于微博上载一张与神秘男嘅合照，相中穿著火红露肩晚装嘅小S搭住神秘男嘅膊头，写道：“新节目，男搭档。”引发粉丝们无限遐想，纷纷估：“唔通就系蔡康永！？”而蔡康永都有回应个Po：“嗯，那......要好好跟对方相处哦。”呢个回应可圈可点，但有眼利网民就话唔似系蔡康永，因为佢无咁高。

另外又有人凭一张合照，猜想可能系内地网红董子初，因为佢咁啱有一张同小S嘅合照，相中嘅小S就系著住同一件红色露肩晚装，而董子初所著嘅黑色外套同相中神秘男又有啲似。不过暂时都未有确实消息流出，究竟神秘男系边个，大家拭目以待。