【三个女人】20集删剩18集　黄智雯披露被删场口

TVB剧集《三个女人一个因》日前已经全部播放完毕，题材新颖，加上黄智雯（Mandy）同袁伟豪演技有突破，因此大获好评，连内地都有唔少观众留意，仲一度冲上微博热搜榜第18位。剧集播完有好多网民都表示唔舍得，加上原本剧集长20集，但惨被剪剩18集，有人大叫“还我两集来。”

《三个女人》监制潘嘉德接受《香港01》访问，表示好开心有咁多观众支持这部剧集，他说删减剧情是公司决定，但大家也不用灰心，因为TVB已经听到观众诉求，并作出相应安排。《三个女人一个因》将于“myTV SUPER”上足本播放，大家到时又可以重温剧集喇！

Mandy接受《香港01》访问，都话觉得剧情被删减，感到有点可惜！“对于我嚟讲，对呢套剧每一场，每一个细节我都好深刻，我都好喜欢。”Mandy仲透露咗一啲佢有好深印象，而又没有播放的场口：“方以因写信畀愁擘擘，观众唔知道愁擘擘有无睇到信，但其实愁擘擘系有睇到信，其实呢场戏亦系交代咗愁擘擘开始妒忌方以因同阿佳嘅导火线。仲有ending除咗同阿Ben喺天台kiss戏，其实仲有另外一场kiss戏都系无播到嘅！其他场口就系愁擘擘同阿佳一啲好sweet嘅相处片段，同埋一啲娱乐性丰富嘅场口。”

Mandy于剧中演技大爆发，获得一致好评！有网友仲大赞Mandy“神复制”饰演佢嘅童星（钱悦）嘅喊法，就连喊声都一样，Mandy都话佢其实有刻意模仿钱悦小朋友点喊：“愁擘擘嘅回忆都系停留喺童年时，所以佢系三个人格之中，相对年纪比较细，所以在处理一啲喊戏嘅时候，会直接表达自己嘅情感，同大人𠮶种喊法有分别，最后一场揽住妈咪𠮶场戏，拍嘅时候先拍咗童星，我有在旁边观察个童星嘅演法，所以个喊法同埋感觉都同个童星相似。”