陈滢塞车迟到成个钟爆喊：对唔住大家等我咁耐
撰文： 赖家杰
出版：更新：
靓女迟到有冇特权呢？对传媒来说是没有，陈滢今日出席品牌活动，活动时间12:15，但陈滢13:00才现身，足足迟了45分钟，在场传媒当然著晒火，大家都等访问时间，准备质问陈滢点解迟到，
但就系呢个moment，陈滢当著所有传媒面前爆喊......
陈滢一边喊一边讲，自己今日迟到的黑仔经历，她说：“今日超级超级黑仔，经过好多难关先到现场，因为揸车嘅时候前面又撞车所以导致塞车，然后因为赶时间就是但放低自己部车，然后跑跑跑，跑过嚟嘅时候太大动作条裙爆开咗，已经立即叫经理人买过一条，真系唔好意思要大家等我咁耐。”
陈滢一直对自己工作要求好严格，唔可以迟到已经系第一条守则，今日发生呢一件事表示：“我唔钟意迟到，唔希望别人等我，自己尽量唔迟到，今日要咁多人等我，我已经好唔舒服好唔舒服，好内疚。”陈滢喊得咁犀利，传媒都被佢融化，仲边好意闹佢呢？为咗唔迟到仲要弃车，剩系呢点都够诚意啦。
同场亦有陈滢好姐妹刘佩玥Moon，阿Moon亦不断为陈滢解画，她说：“大家都唔钟意迟到，都好开心记者们体谅，都系去了解呢一件事，冇闹我哋，咁今次都系一个课堂嚟，话比我地听，做人要有两手准备。”
【全职没女】陈滢真空挑战电视尺度 同张振朗床戏：对脚磨嚟磨去
陈滢上《疯狂夏水礼2017》不骚身材：我一向保守
+7