【奔跑吧6】香港代表李恩童出席联合国演讲　熊猫发电机其实系乜

大陆综艺节目《奔跑吧兄弟》星期六（14/4）啱啱播完第一集，大家都好Focus喺Angelababy讲英文度，但网民通常摩擦力好强，今集佢哋去咗维也纳联合国中心用英文演讲，其中有个女仔叫李恩童就话自己系代表“中国香港”提出一个Idea，佢就话应该将熊猫同太阳能发电站结合，即系将发电站砌个熊猫样出嚟，因为咁样会靓啲，就会提升青年人对新能源嘅兴趣。不论呢个谂法你Buy唔buy，反正佢就扬威国际参加咗多个国际论坛，好似联合国经济与社会理事会青年论坛咁，真系威过龙咁威！

不过网民对佢嘅创意兴趣不大，反而好留意佢喺微博度Po咗好多张同明星嘅合照，好似系陈伟霆、王源、鹿晗、邓超、陈赫咁，真系葡萄死人。根据网民嘅起底，李恩童英文名叫Ada Li，系香港出世，乡下系浙江杭州，讲得一口流利嘅英语同普通话，令大家对佢嘅背景好有兴趣。李恩童曾经喺深圳读小学，又去过美国俄勒冈州读高中，佢提过爸爸喺能源公司工作，所以自小就对环境气候特别有兴趣。