黄智雯全靠监制潘嘉德提携 眼湿湿细说恩师知遇之恩
撰文： 关颖贤
出版：更新：
《三个女人一个因》终于播出大结局，一班演员就约埋一齐食饭睇剧。今次黄智雯胆正饰演人格分裂嘅角色，成功得到观众嘅认同，更有大批网民话要捧佢做视后。
黄智雯接受《香港01》访问时，指剧集横跨了9个星期，大家每个星期都会同台前幕后一齐睇剧，加上收到好多观众嘅讯息分享关于遇到情绪问题嘅经历，所以觉得特别感触，眼湿湿谓：“除咗剧中有好多有娱乐性嘅场面之外，都能够打动到人嘅心灵，呢个系作为一个演员、编剧、监制，最想得到嘅结果。
谈到监制潘嘉德由《搜下留情》开始一直都找来黄智雯演出，直到德哥离开无线最后一套剧就由智雯担正，她直言一开始压力好大，因为需要一人分饰三角，亦事前心理准备会系演艺事业中其中一个最大嘅挑战。智雯续指《三个女人一个因》对自己别具意义，同时都好想亲口多谢德哥对自己嘅信任同信心，坦言：“德哥今年会离开公司，喺我嘅演艺生涯入面可以参与到德哥咁多剧，有啲好经典嘅角色都系由佢创造出嚟，甚至乎令到大家认识我嘅角色鹌鹑妹，都系德哥一手提携！佢系我黄智雯演艺生涯一个好重要嘅人，已经超越咗伯乐，系我半个屋企人，佢唔止喺工作上帮我，我私底下有好多嘅问题都会同我倾。我会叫佢老豆，因为个关系系亲密到好似家人！”