【集体回忆】四大天王首次同台片段出土　网民：已经荣升四大外父

早前有千禧后学生接受访问，误会“四大天王”系一个组合，令一众七、八、九十年后人士为之震惊，虽然四大天王似乎快要被时代洪流冲没，但对我们这代人嚟讲，佢哋系一个集体成长回忆。

近日网上一段四大天王于1992年首次破天荒同台嘅珍贵片段出土，片中四人（刘德华、张学友、郭富城及黎明）轮流劲歌热舞，包括《真情流露》、《对你爱不完》、《第四晚心情》、《我的亲爱》等等，真系首首都系回忆啊！非常经典！（唔小心透露年龄添！）

“四大天王”其中三名天王张学友、刘德华及郭富城都已经做咗老窦，仲个个都系生女，最近就连黎明都公布自己即将荣升老窦，虽然未知BB性别，可能网友都觉得佢一脸“外父相”啦，因此讲笑封四人做“四大外父”，仲好搞事咁提议佢哋啲女结拜添。