【飞虎极战】梁烈唯内地工作量大增　亦盼香港观众喜欢自己作品

在整个《降魔的捉妖游戏》中，除了林盛斌，梁烈唯亦算是拍摄游戏类节目的大前辈，经验相当丰富，但想不到他竟说自己表现得最差：“其实今次喺呢个团队入面呢，个个都好聪明，最蠢就一定系我，玩得最差就系我，因为我配合唔到佢哋个速度，当我仲谂紧点样玩嘅时候，佢哋已经玩完喇，跟住话唯唯咁水皮嘅。”

玩游戏水皮不紧要，最紧要是出来效果好、受欢迎。讲起受欢迎，唯唯有份参演的剧集《飞虎之潜行极战》的内地播放量以亿计，且他饰演的奸角KENNY更令人印象深刻，有种既妖又邪的心寒感。对此，他坦言下了番功夫：

“其实拎到个角色时有少少无从入手，导演监制俾我嘅指引系个角色要成日笑嘅，咁我就谂点样去笑先达到𠮶种见到你笑但会心寒嘅FEEL呢? 当然自己有参考好多角色啦，一定有就系小丑、Johnny Depp嘅角色。”

另外，他亦感激劳苦巧高的制作团队：“因为个造型、头发等等会令到个人好入戏，个发型又一边重啲一边轻啲，搞到个人好自然企到侧埋一边，所以行路都痞下痞下咁。我都同个造型师讲，如果无咗佢哋整呢个造型出嚟，KENNY呢个角色未必会系而家咁嘅样，即系我演绎出嚟都唔会系咁，因为个造型都好影响演员嘅演出，所以KENNY嘅成功绝对系成个团队努力嘅成果。”

最后，《飞虎》在内地大热，当然令唯唯多了很多北上发展的机会。他说：“咁我当然系希望对我北上工作方面有帮助啦，揾我工作嘅人都应该多咗好多，但最后能唔能够成事都要问返经理人。不过除咗内地，自己都好希望得到香港观众喜欢啦，因为我都好耐无剧出喇，大家都以为我无拍剧添，咁所以都希望大家都钟意《飞虎》啦。”