香港姐级艺人影靓相开心share　李司棋有少女心　郑裕玲具知性美

边个话钟意自拍、影相、摆型棍pose再upload上网系后生仔女嘅专利嚟㗎？香港好多资深姐级女艺人，都一样会将自己嘅靓相post上网同大家分心share，唔单只fans数量唔输蚀俾班后生仔女，就连啲相都好有个人风格，绝对自成一格！以下剩系简单列举李司棋、刘嘉玲、郑裕玲、汪明荃四位做例子，就足以睇到你哋甘拜下风、俯首称臣。

李司棋──少女心

少女时期嘅司棋姐有几省镜相信唔使多讲，如果当时有IG，坊间嘅所谓“IG女神”通统都要让路。不过现龄67岁嘅司棋姐仍然有少女味，睇佢影相摆嘅pose就知佢身体里住著一颗年轻的心。

刘嘉玲──女王气场

52岁嘅嘉玲姐喺美魔女界别认第二，肯肯定无人敢认第一！呢个靓样再配合魔鬼身材，无得输之余就连女士们都艳羡呀。更重要嘅系，嘉玲姐无论去到边都自有一股女王气势威压全场。有时莫讲话见到佢本人，少啲定力嘅人单单见到佢啲相都真系会随时跪低高呼千岁㗎。

【美女厨房】美味天使各有发展 春卷做model 蜜瓜嫁Patrick Sir

2018影视界十大现役美魔女 讲样讲身材完胜后生女

郑裕玲──知性美

集影后、视后于一身嘅Do姐，同时又系名嘴、名主持，60岁仍然keep得住高贵大方嘅气质，而且就连影张相都散发出浑然天成嘅知性美，难怪港姐竞选嘅主持、评审、校长等等都经常由Do姐担任啦，因为真系揾唔到第2个可以媲美嘅人选。就算近年被农夫两只哗鬼激到扎扎跳，但都无损Do姐本身嘅elegant。

汪明荃──敬重对象

有边个后辈见到年届70嘅汪阿姐唔系自自然然肃然起敬！就算系同辈老友记，见到阿姐都只有开心兴奋嘅份儿，毕竟佢真系好把炮，除咗喺演艺界地位超然，佢嘅品格、作为、能力等等都对各界人士有影响，有时单系见到汪阿姐嘅相，就足以令人有亲切感，兼且打从心底钦佩。