麦明诗主持拍剧愈来愈忙　Facebook靠母帮忙巩固粉丝关系

麦明诗早前去阳光与海滩期间，不时于个人社交网络上载泳照与揈水发片段，除了吸引粉丝、网民单方面留意，一向形象亲民的麦明诗更与网友互动，一教一学研究揈水发技巧。不过，回港后的她除了继续主持《后生仔倾吓偈》，更准备埋班拍剧，于网上与粉丝互动交流的情况自然会减少，相信粉丝虽体谅，但亦会失望。

幸好，麦明诗没空，但她妈妈却经常出没于女儿的Facebook，代女回复及交流。
“系呀，因为佢近年先啱啱开始玩facebook，所以佢觉得好新奇，同时又好active啰，佢都几享受呢个游戏架，因为佢成日觉得我无时间覆，咁佢就想同啲人有直接互动，可以巩固下关系。我而家就真系工作啰，都会keep住更新嘅，但就唔会一次过share好多咁啰。”

麦明诗个人社交网络除了有妈妈加持，帮手建立、巩固粉丝关系，其实她本人分享出来的帖文都很有意思，再加上相当言简意赅、画龙点睛的形容与Captions，未知有心还是无意，但总会让有心人找到“笑点”。

“我觉得做艺人幽默感好紧要嘅，但尽量幽默得嚟又唔好挖苦到人，呢个平衡都一定要攞到啰，呢样嘢就学紧啦，尤其是自己系后辈啦，有时唔敢乱笑乱讲。其实都系香港人关心嘅话题，用一个幽默啲嘅方式去睇啰。我觉得尤其我哋艺人有时讲太多好正经、好正面咁讲呢，观众又未必咁接受，因为其实大家都压力大，都想轻轻松松一下嘅，但有时轻松得嚟又有啲意思呢就系个最好嘅平衡。”

麦明诗工作愈来愈忙，连facebook都要妈妈协助回复，但不代表工作以外的琐事都交由他人代理，其实她为人十分独立，独立得连家具都是自己选购，再自己运送。一个女仔擡张凳回家，在香港相当鲜见。

“其实我就习惯嘅，因为我平时日头唔使拍嘢𠮶时呢，家人或者朋友都返工吖嘛，自己又有揸车，咁我之前喺外国读书时都好独立嘅，好多嘢都系要自己处理啰，我觉得唔好依赖咗其他人，咁就会令自己能力愈来愈弱。”听她说毕，有种“不愧是十优”的专敬感。
 

一个人买家具，是搬出来自住吗？她说：“其实系有呢个谂法同方向嘅，但系都仲睇紧，因为要考虑各方面，好似地区咁，因为都真系想近公司啰，同埋财政方面睇下支唔支持到咁样。”又怎会支持不来呢？工作更多，知名度更高，因此她谦虚地指自己要继续努力，同时为更多人认识她的性格、记得她的样子而高兴，毕竟“以前啲人可能都好片面咁了解我系港姐或者读书𠮶啲”。