【港女讲感情】41岁大S追到仔都要再怀孕？ 呢种生仔观念先最错
撰文： 李妍桦
出版：更新：
前排大S突然癫痫症复发晕低，大家都估佢系咪因为之前减肥过度，成日唔食夜晚饭挨坏身体，但点知今日剧情大逆转，原来系因为41岁高龄产妇大S又有咗，咩话？大S唔系上2年追到个囝喇咩，点解仲要生？你话小S连生3个囡就过怕咗阿奶奶，要传宗接代，追个“脐菇丁”啫，有钱人嘅嘢真系好难明，唔系要有个男丁继承家产就够咩，总系要系咁生，越多越好，好似千亿新抱徐子淇咁，35岁已经生咗4个，绝对仲有空间追多5、6、7个……
【港女讲感情】阿娇钟欣潼认爱赖弘国 有钱有样边使人“埋单”？
+3
利申，绝对唔认同女人系生囝机器，更加唔存在咩重男轻女，同样系自己嘅亲生骨肉，男同女都一样咁珍贵。你睇人哋碧咸生咗3个囝，个个都好似Model咁，名牌Burberry、Adidas争住揾佢哋拍广告，行Catwalk，大囝Brooklyn仲Chloe Moretz多次离离合合，好似个星咁。但成家人最自豪嘅唔系3个囝而系最细嘅Harper Seven。碧咸囡嘅新闻大家都肯定听过，一出世之后几乎冇落过地，由3个阿哥加廿四季老豆碧咸24小时抱住佢，公主咁，碧咸为咗氹囡囡开心，用咗成个星期去砌个迪士尼城堡Lego，真系这些机会，所以你话生囡唔值租咩？
+1
依家咩年代啊？都2018啦，虽然真普选就未必等到，但呢个观念真系要改，女人系生囝机器，个个都揾命搏，一个唔觉意，真系未必大细都保得住。仲有阿，你怀胎10月系几咁辛苦，孕吐唔再讲，连趴喺度瞓都唔得，成日都听人讲撞到脚指尾系人生最痛，讲𠮶个肯定未生过仔。
如果一个女仔肯为你生儿育女，佢就好似拎条命同佢以后的人生押喺你身上，系一场人生最大的赌博！