容祖儿唱尽失恋惨歌 一姐自己分手又应该唱咩？
撰文： 李妍桦
出版：更新：
究竟容祖儿同刘浩龙分手未呢？呢个系一个谜，有粉丝就有mon住Instagram话刘浩龙个个Post都有Like，会唔会系仲有嘢，未分手，咁又未必，因为其实Joey间唔中都仲有Like吓何韵诗嘅Post，所以呢个可能性低啲。不过咁，有媒体就话其实两个人早就分咗手，只不过Joey唔想大家话刘浩龙搏宣传，所以一直都冇公开“分讯”。可惜刘浩龙演唱会滞销，似乎就冇咩帮助，而Joey亦无否认，仲好Happy咁又去一支公旅行又睇演唱会，睇嚟真系“谁都会散／怎知一拍便会散”。
【港女讲感情】姊妹淘易惹猜忌 英皇“龙虎豹”走过16年最难得
+5
容祖儿话晒都系香港乐坛天后，个个失恋都要去K房唱Joey嘅歌，《16号情人》、《心淡》、《痛爱》简直要好似Medley咁唱，咁多只歌究竟边只先啱佢心情呢？
《天之骄女》入面一句“旁人话我看起你居然拣你／别理世间这么势利”好似几啱佢，大家都觉得系刘浩龙衬唔起Joey，有传去旅行Joey就刘浩龙坐经济客位，刘浩龙又觉得委屈咗Joey，所以去亲旅行佢哋都会嘈交。《心淡》又有句“春天分手／秋天会习惯／苦冲开了便淡”又okay㖞，时间点差唔多，心淡几乎系所有类型嘅失恋都啱唱，堪称百搭失恋歌！又定系《流泪眼望流泪眼》呢？今年已经系38岁嘅事业女强人唔再系十几岁𡃁妹失恋再喊苦喊忽，“如果仍然将从前再三哭诉是磨难／拭干眼泪回去／亦算节省一晚”，及时抽身，当系“爱一个上一课”！
识唱嘅一齐跟住唱！