郑欣宜演唱会郑少秋做嘉宾？　欣宜：佢都系乖乖哋台下睇我啦！

郑欣宜（Joyce）最近密锣紧鼓采排，就系咗为自己4月21-22号一连两晚嘅红馆演唱会，joyce于采排中连续跳咗两首歌曲，当然完全冇难道，但唔知大家记唔记得之前Joyce只脚受过伤，她透露：“开头好担心但又唔想cut走跳舞呢个环节，结果最初采排时，都将重心放落冇受伤嘅右脚到，搞到初初反而系只右脚肿。”而家Joyce脚伤初愈反而跳得更出色。

身为一个表演者，最重要系享受演出时间，Joyce就透露自己由细到大都好钟意表演同欣赏表演，佢坦言：“虽然每日都要采排，但每日都系一件非常开心嘅事，所以压力方面自己完全唔识惊。”

每个演唱会大家都好期待演唱会嘉宾，而Joyce就话嘉宾方面想保密下先，但问到会唔会叫爸爸郑少秋上台做嘉宾，Joyce好大反应叫到：“唔好啦，佢乖乖喺台下睇就好啦，你知架啦佢一上台就有股气势，所以佢都系台下睇好啦。”