【流行经典50年】同邓丽欣再合唱《好心好报》？　方力申：随缘啦

由薛家燕、黎小田、古巨基、陈敏之主持的Tvb综艺节目《流行经典50年》，今晚邀请到杜德智、方力申、宝珮如、唐韦琪、Christine Samson等做嘉宾。

今集方力申都系嘉宾之一，小方近年一直都以电影为主，唱歌方面比较少，小方亦承认自己已经好耐冇喺香港唱歌，今日除会同好朋友古巨基合唱之外，自己都会唱首经典《好心好报》。讲到呢只歌大家自然会谂到小方同邓丽欣嘅合唱版本，但小方今次唱嘅就系独唱版，佢讲到：“呢首歌一开始就系单独版先，出呢首歌个阵就2003年，经过十几年，我谂经唔经典就系人地讲，但我谂就系够耐。”

至于大家其实一直都好希望，小方同Stephy可以再度一齐唱番佢地合唱嘅经典歌曲例如：《好心好报》、《好好恋爱》、《我的最爱》等比大家听，小方表示其实暂时就冇谂过，因为自己而家冇唱片公司合约，所以都系随缘啦。