梁浸浸3岁生日牛奶妹造型衬到绝　郑希怡订制特大蛋糕贺爱女

细细个总有幻想过，可以开个盛大生日会，请晒朋友仔参与，围住自己一齐唱生日歌，享受一刻做主角做焦点嘅感觉。4月8号系郑希怡囡囡梁浸浸3岁生日，之前YUMIKO笑言阿女得陈真同Jasper两个朋友，不过梁浸浸开到声要有生日会，做阿妈嘅当然要使命必达啦，漏夜亲手布置兼订造大大份礼物送俾寿星女。

自出世起梁浸浸已经万千宠爱在一身，生日会除咗黄伊汶囝囝陈真，Sa契妈蔡卓妍都有到场。寿星女一头曲发相当可爱，潮妈Yumiko不时帮个女扮靓成个小model一样。生日会做主角当然要悉心打扮啦，梁浸浸戴上红色渔夫帽，黄色上衣衬一条粉蓝裙裤相当卡哇儿﹗睇真啲点解有两个梁浸浸嘅？原来旁边呢个唔系公仔，真系食得落肚嘅蛋糕嚟架﹗

【星B去旅行】Jasper梁浸浸感情劲好 陈真人仔细细有暖男风范

Jasper同梁浸浸食零食识得开心share 获赞乖巧唔霸道

Yumiko留言话：“三岁啦，今日有两个bieber，surprise，呢个蛋糕好大呀﹗”原来呢个好妈妈为咗俾个惊喜寿星女，专诚去订制同囡囡一样，足足100cm高嘅蛋糕。Yumiko表示因为梁浸浸自细就钟意呢个公仔，衬生日送上呢份大礼，再帮阿女著到同公仔一样样，第时大个睇返都系美好回忆。